Urrurka Haweenka Saxafiyiinta Soomaaliyeed (SWJO), waxaa uu ka xunyahay isla markaana canbareynayaana qaabka ay wasaraaddu u soo xayiisiisay laba jago oo ka bannan Telefeshinka Qaranka oo haween ah.
Shuruudaha ay wasaaraddu sheegtay in looga baahanyahay gabdhaha shaqada soo dalbanaya, ayaa waxaa ka mid ah; “in ay dherer ahaan, miisaan ahaan iyo muqaalba leedahay qaab telefeshin, iyo in ay leedahay cod waraahineed iyo hub-qaad wanagsan.
Haddaba labadaan shardi ayaa noqday kuwa uu la fajacay ururku isla markaana uu ka soo horjeedo, sababha hoose awgood:
- Shuruudahani waa takoor iyo faquuq lagu sameynayo gadhaha dhexdooda iyo duudsiinta xaqa ay dhammaantood u leeyihiin in ay u tartamaan shaqada ay doonaan, iyadoo aan loo kala saarin muuqaalkooda iyo wax lamid ah.
- Majiro wax la yiraahdo qaab muuqaal telefeshin oo heshiis lagu yahay, oo lagu xusho wariye, sidoo kale ma jiro xiriir ka dhexeyn kara qofka dhererkiisa ama muuqaalkiisa iyo Teleshinka.
- Shuruudahani waxaa ay sidoo kale ku talax tageen qaab dhismeedka jirka dumarka oo ah fal ka dhan ah anshaxa ahna xad-gudub jinsi oo si guud loogu sameeyay gabdha saxafiiyinta ah.
Sidaa darted, ururuka waxaa uu ugu baaqayaa wasaaradda Warfaafinta in ay raalli gelin ka bixiso falkan xad-gudubka ah ee ay gabdhaha saxafiyiinta ah kula kacday ayna saxdo khaladkeeda.
Dhmmaad
Leave a Reply